OS RETOS DE REPEPICO

Arranca unha nova actividade na biblio, co motivo da celebración do día da poesía Repepico deixa o primeiro dos retos...

Quen será o autor do fragmento deste poema?

8M ENREDADAS

 Co gallo da conmemoración do 8M, e seguindo a lima da temática do noso PDI (o mar e as embarcacións), decidimos facer unha pequena homenaxe a todas as mulleres, membros das familias do alumnado que están vencelladas ao mar e á navegación.

Elas compartiron connosco as súas historias vitais: lembranzas pasadas e presentes, anécdotas, sentimentos e emocións… con diferentes fotos e vídeos que nos serviron para dar forma a "Enredadas", unha proposta co fin de dignificar as mulleres do mar.

23 de febreiro - Sementando Pensamentos

A flor preferida de Rosalía eran os pensamentos, como estes teñen 5 pétalos, cada alumno escribiu nun un verso dalgún poema, unha idea da autora que lle gustou especialmente ou considerou relevante, etc. e foron colocando os pétalos arredor do seu rostro.

Así conmemoramos no centro o día de Rosalía.

Os alumnos de infantil B tamén recitaron o seu poema máis popular na radio do cole.

Deixámosvos por aqui algunhas fotos e o Podcast en iVoox: https://www.ivoox.com/infantil-b-recita-a-rosalia-audios-mp3_rf_82559114_1.html

NOVIDADES

Nas estanterías da entrada da Biblio tedes un montón de novidades fresquiñas para deleitarvos nas vosas lecturas. 

Atoparedes libros de ciencias, cómics, e lecturas para todas as idades.

Repepico agarda que vos pasedes a velas.

UNHA MAREA DE PAZ

 O pasado venres 28 de xaneiro celebramos no colexio o Día da Paz; para a ocasión, desenvolvemos nas aulas diversas actividades que conmemoran este aspecto tan fundamental para a vida en sociedade.

Ademais, continuando co proxecto do centro, sobre a navegación, organizamos un pequeno proxecto para todo o centro. Todo comezou coa lectura nas aula co libro O Increible barco do Capitán Marco, que nos ensinou dúas cousas fundamentais: a importancia de valorar todo o bo e como facer barquiños de papel!

A partir de aquí, cada alumno e alumna do centro, elaborou o seu propio barco de papel, empregando folios de cores. Cada un de nós poido decoralo como el ou ela quixo e escribir nel o seu mensaxe de paz. 

Ademais de todo isto, dende a Biblioteca tamén nos regalaron moitas recomendación lectoras de libros relacionados con esta temática; e o profe de Música compuxo unha canción sobre o conto. 

O venres 28, cada grupo foi á biblio cantar a canción que aprendemos e deixar colgado o seu barquiño coa mensaxe de paz. Entre todos construímos unha colorida MAREA DE PAZ. 

Recomendacións lectoras Día da Paz

Repepico móstravos as recomendacións lectoras relacionadas co Día da Paz. Pinchade na imaxe para ver a presentación.

Agardamos que as disfrutedes moito.

https://view.genial.ly/61f1b7203530170019d2c13c/learning-experience-didactic-unit-recomendacions-dia-da-paz

https://view.genial.ly/61f1b7203530170019d2c13c/learning-experience-didactic-unit-recomendacions-dia-da-p

<div style="width: 100%;"><div style="position: relative; padding-bottom: 56.25%; padding-top: 0; height: 0;"><iframe frameborder="0" width="1200" height="675" style="position: absolute; top: 0; left: 0; width: 100%; height: 100%;" src="https://view.genial.ly/61f1b7203530170019d2c13c" type="text/html" allowscriptaccess="always" allowfullscreen="true" scrolling="yes" allownetworking="all"></iframe> </div> </div>

https://view.genial.ly/61f1b7203530170019d2c13c/learning-experience-didactic-unit-modulo-didactico-pizarra-animada

A<div style="width: 100%;"><div style="position: relative; padding-bottom: 56.25%; padding-top: 0; height: 0;"><iframe frameborder="0" width="1200" height="675" style="position: absolute; top: 0; left: 0; width: 100%; height: 100%;" src="https://view.genial.ly/61f1b7203530170019d2c13c" type="text/html" allowscriptaccess="always" allowfullscreen="true" scrolling="yes" allownetworking="all"></iframe> </div> </div><div style="width: 100%;"><div style="position: relative; padding-bottom: 56.25%; padding-top: 0; height: 0;"><iframe frameborder="0" width="1200" height="675" style="position: absolute; top: 0; left: 0; width: 100%; height: 100%;" src="https://view.genial.ly/61f1b7203530170019d2c13c" type="text/html" allowscriptaccess="always" allowfullscreen="true" scrolling="yes" allownetworking="all"></iframe> </div> </div>

SAMAGOSTO

No colexio fusionamos dúas grandes festas do Outono galego: o Samaín e o Magosto. Para festexalas organizamos todo un día repleto de medo e de monstros, sen esquecernos das castañas!

Recordamos, que no centro traballamos todos xuntos nun gran proxecto sobre a navegación e o mar; para conmemorar o Samaín viaxamos ate as profundidades máis terroríficas do mar e, cada aula, pescou o seu monstro mariño! Puxémoslle nomes, explicamos onde o atopamos e curiosidades sobre eles. Logo, expuxémolos todos na Biblio do centro. Os mestre e mestras axudáronnos decorando a exposición dun xeito terrorífico. Entrar alí era toda unha experiencia de medo!

O venres 28 fomos cada aula visitar a exposición, votando cada un polo seu monstro preferido; todos e todas íamos coas nosas galas máis horripilantes!

Para poñerlle a guinda a este día tan xenial, visitounos un castañeiro e un grupo de música tradicional galega. Comemos castañas ata fartar e bailamos ate que non sentíamos os pés!

 ZARPAMOS!

Como cada comezo de curso, dende o Equipo de Biblioteca do centro poñemos en marcha un novo proxecto. Este ano será en colaboración co Equipo de Dinamización da Lingua Galega e o de Actividades Complementarias e Extraescolares; ademais, o alumnado de 6º vai colaborar desenvolvendo un proxecto relacionado co xornalismo. 

Todas as actividades propostas a nivel de centro van estar relacionadas co mar e a navegación. Esta temática vólvese moi importante para nós polo contexto do noso centro e o seu propio nome: A Barquiña. Ademais, cada aula vai elaborar o seu propio "Caderno de bitácora", recollendo as tarefas nas que participen ao longo do curso. 

As primeiras actividades van ser: poñerlle a cada aula do centro o nome dunha embarcación e crear o noso monstro mariño, para o Samaín. 

Ao longo do curso, iránse desenvolvendo propostas que relacionen a navegación cos campos da literatura, a arte, coas expresións tradicionais, os oficios... E MOITO MÁIS!

Gustaríache navegar con nós nesta aventura mariña?

 LETRAS GALEGAS 2021: XELA ARIAS

O vindeiro 17 de mano celebramos o Día das letras Galegas. Este ano está adicado a poetisa Xela Arias. As alumnas e alumnos de 5º curso realizaron unha investigación sobre ela e as súas obras. Aprenderon un montón de cousas interesantes e curiosas que desexan compartir con todxs para que a coñezamos un poco mellor. Escoitade con moita atención para aprender máis cousas!

Podcast Radio Nike Stars (Xela Arias)

Podcast Radio Legend (Xela Arias)

Podcast Radio Marshmello (Xela Arias)

Podcast Radio SXS (Xela Arias)

Tedes a vosa disposición no expositor algúns libros sobre Xela Arias para que gocedes coa súa lectura. 

Tamén vos deixamos uns enlaces con información e actividades divertidas para aprender un montón de cousas interesantes sobre Xela Arias. 

http://seminariogalan.org

https://primaveradasletras.gal

E por último, deixamosvos unha mostra dos marcapáxinas conmemorativos que estamos a facer co motivo da celebración do Día das letras Galegas. Agardamos que vos gusten!

Día do Libro: os nosos contos favoritos!!!

O alumnado de Educación Infantil e as súas familias demostraron o seu gusto polos libros e a súa creatividade, reinterpretando as portadas dos seus contos favoritos. 

Agardamos que vos gusten!

 

DÍA DO LIBRO * 23 DE ABRIL

O venres celebramos o Día do libro coa axuda do noso alumnado de 6º curso que durante estas últimas semanas realizou unha selección de libros para animar a ler aos máis activos do cole. Aquí vos deixamos algunhas das imaxes nas que se ve como todxs gozamos coa lectura. Agardamos que vos gusten!