Neste Samaín...
Despois de pasar o túnel do terror, atopamos a nosa biblioteca moi terrorífica
Alí dentro, puidemos destrutar dunhas lecturas compartidas.
O alumnado de 5º de primaria deleitou ós máis pequenos coa lectura e representación dos contos: A bruxa regañadentes e O Papón
E o alumnado de 6º de primaria facía a lectura e representación de contos como: Carabuñas, Gato Guille e os monstros ou O Samaín para os nenos/as maiores.
Chega o Samaín, e dende a nosa biblio xa temos preparadas algunhas suxestións de lectura...
Animádevos a ler!!
No colexio fusionamos dúas grandes festas do Outono galego: o Samaín e o Magosto. Para festexalas organizamos todo un día repleto de medo e de monstros, sen esquecernos das castañas!
Recordamos, que no centro traballamos todos xuntos nun gran proxecto sobre a navegación e o mar; para conmemorar o Samaín viaxamos ate as profundidades máis terroríficas do mar e, cada aula, pescou o seu monstro mariño! Puxémoslle nomes, explicamos onde o atopamos e curiosidades sobre eles. Logo, expuxémolos todos na Biblio do centro. Os mestre e mestras axudáronnos decorando a exposición dun xeito terrorífico. Entrar alí era toda unha experiencia de medo!
O venres 28 fomos cada aula visitar a exposición, votando cada un polo seu monstro preferido; todos e todas íamos coas nosas galas máis horripilantes!
Para poñerlle a guinda a este día tan xenial, visitounos un castañeiro e un grupo de música tradicional galega. Comemos castañas ata fartar e bailamos ate que non sentíamos os pés!
.jpg)
