No mes de Abril apareceu o sétimo reto de Repepico.
E como era o mes adicada ó libro, Repepico propuxo un reto para formar parte dos nosos libros...
O noso alumnado ten moita imaxinación, ideas e creatividade... e grazas tamén a axuda das familias conseguimos superar o reto!!
Con todas as novas imaxes de libros creadas, fixemos un vídeo que podedes ver aquí
Outro ano máis, como parte da celebración do 23 de abril día do libro, voltamos realizar a actividade dos "Apadriñamentos lectores"
O alumnado dos cursos superiores encargouse de lerlles libros ós máis pequenos do cole nos diferentes espazos do colexio.
Os maiores, ademais de preparar as lecturas con antelanción, tamén fixeron agasallos para os pequenos. Menuda emoción!!
Queda moi claro, que esta actividade de animación á lectura pode seguir repetíndose, xa que tanto maiores como pequenos quedaron encantados...
Tamén nos damos conta que coa lectura compartimos, convivimos, incluímos, respectamos, cooperarmos,... así que, NUNCA DEIXEMOS DE LER!!!
Aínda que este ano o 23 de abril (Día do Libro) foi un domingo, o venres 21 de abril, no cole volvemos a ter as lecturas compartidas. Isto é, os máis maiores do cole lémoslle un conto aos máis pequenos. Aínda que pola chuvia non poidemos disfrutar do exterior, enchemos cada recuncho da nosa escola de lecturas e sorrisos. Aquí vos queda unha pequena mostra dalgúns recunchos.
Co motivo do día do libro, o alumnado de 4º, 5º e 6º de Educación Primaria acode xunto ós nenos/as dos cursos inferiores de 3º, 2º, 1º e Educación Infantil para compartir unha lectura. Cada alumno/a ou en parellas prepararon un texto, escollido anteriormente.
Estas lecturas leváronse a cabo fora da aula ordinaria para darlle un carácter lúdico, ademais creouse un clima de complicidade entre o alumnado, que mostrou actitudes e valores de colaboración, respecto, compañeirismo...
O alumnado de 6º de Educación Primaria creou un panel coas valoracións que fixeron os pequenos e pequenas desas lecturas compartidas.
Con motivo da celebración do día do libro, quixemos agasallar a cada nena, neno e profe do cole cun libro.
Aproveitamos a ocasión para darlle así unha segunda vida aos libros do expurgo da biblioteca.
Ao longo desta mañá foron pasando a botar unha ollada e elixir o libro que máis lles gustase.
"Un libro é un agasallo que podes abrir unha e outra vez."
Co gallo da celebración do día do libro, realizamos o noso "BOOKFLIX de recomendacións lectoras".
Cada aula elaborou unha pequena reseña dos seus libros preferidos para amosarlle ao resto dos cursos.
Esperamos que vos gusten e vos sexan útiles para próximas lecturas que vaiades a iniciar, pois xa sabedes que...
"ler é soñar cos ollos abertos"
