"ROSALÍA" CO GRUPO DE TEATRO PARALADA

Hoxe luns 24 de Febreiro, para celebrar o día de Rosalía, tivemos ó grupo de teatro Paralada que veu interpretar "Seguro de enfermidade"

Tamén fixeron un recital de poemas da autora e remataron amenizando a xornada con música. 

DÍA DE ROSALÍA DE CASTRO

 Repepico fixo unhas suxestións de lecturas para o 23 de febreiro, o día de Rosalía de Castro. Pasade pola biblioteca para velas.

Desexamos que gusten!!!

DÍA DE ROSALÍA DE CASTRO- 23 DE FEBREIRO

 

Para conmemorar o día de Rosalía, esta semana tivemos unha interpretación teatral con recitado de poemas por parte dun grupo de veciñas e veciños da Barquiña.

Aprendemos un pouco sobre a súa vida e obra, pero sobre todo pasamos un moi bo rato.

Durante o tempo de lecer no recreo, o alumnado que foi á biblioteca puido realizar uns acrósticos co nome da homenaxeada, escribindo palabras significativas dela. Ademais de poder ler a escolma de libros do expositor. 

23 de febreiro - Sementando Pensamentos

A flor preferida de Rosalía eran os pensamentos, como estes teñen 5 pétalos, cada alumno escribiu nun un verso dalgún poema, unha idea da autora que lle gustou especialmente ou considerou relevante, etc. e foron colocando os pétalos arredor do seu rostro.

Así conmemoramos no centro o día de Rosalía.

Os alumnos de infantil B tamén recitaron o seu poema máis popular na radio do cole.

Deixámosvos por aqui algunhas fotos e o Podcast en iVoox: https://www.ivoox.com/infantil-b-recita-a-rosalia-audios-mp3_rf_82559114_1.html