LETRAS GALEGAS 2022: FLORENCIO MANUEL DELGADO GURRIARÁN

  O 17 de maio é o Día das letras Galegas, este ano dedicado a Florencio Manuel Delgado Gurriarán. O alumnado de 6º curso creou tres caricaturas do autor, para que o alumnado de Educación Infantil as pintase utilizando como inspiración o estilo Pop Art. Así quedaron estas bonitas obras... 

 

 

 

No expositor da biblioteca tedes a vosa disposición algúns libros sobre Florencio Manuel Delgado Gurriarán para que gocedes coa súa lectura. 

 

 

E si queredes seguir aprendendo máis, aquí tedes estes enlaces interesantes sobre Florencio Manuel Delgado Gurriarán.

                                   http://seminariogalan.org/

 

https://primaveradasletras.gal/

 

 

Tamén vos deixamos unha mostra dos marcapáxinas conmemorativos que se fixeron con motivo da celebración do Día das letras Galegas.

 

 

 

 

Por último, e para rematar a semana dedicándoa ás nosas Letras Galegas. Fixemos pescudas na casa sobre o tema da nosa PDI “a Navegación”, aportando en tarxetas: poemas, refráns, cancións, expresións, frases feitas, vocabulario… en galego e relacionado co tema de estudo. Con estas tarxetas, creamos unha exposición na entrada do colexio que logo formará parte da nosa biblioteca para poder desfrutar de todo o catálogo atopado. 

 

 

 

 

EXPLICAMOS OS XOGOS DA BILIO

 Os nosos voluntarios e voluntarias de 5º e 6º de primaria fixeron unha actividade que nos deu moito xogo, e nunca mellor dito.

Para traballar o texto instrutivo, fixeron uns vídeos explicando como empregar algúns dos xogos que temos na nosa zona de "crear" da biblioteca.

Tiveron que analizar as instrucións, elaborar e preparar o guión e logo, LUCES... CÁMARA E.... ACCIÓN!

Deixámosvos por aqui uns enlaces aos vídeos de cada grupo:

As instrucións de 5ºA - Virus, Diamoniak, Piratatak e Exploding Kittens

As instrucións de 5ºB - Robot Face Race

As instrucións de 6º - Dobble

Xogando ao Dobble

Agardamos que vos gusten e, A XOGAR!

LECTURAS COMPARTIDAS: APADRIÑAMENTOS LECTORES

Co motivo do día do libro, o alumnado de 4º, 5º e 6º de Educación Primaria acode xunto ós nenos/as dos cursos inferiores de 3º, 2º, 1º e Educación Infantil para compartir unha lectura. Cada alumno/a ou en parellas prepararon un texto, escollido anteriormente.

Estas lecturas leváronse a cabo fora da aula ordinaria para darlle un carácter lúdico, ademais creouse un clima de complicidade entre o alumnado, que mostrou actitudes e valores de colaboración, respecto, compañeirismo...

O alumnado de 6º de Educación Primaria creou un panel coas valoracións que fixeron os pequenos e pequenas desas lecturas compartidas.  

SUPERADO O 2º RETO ... IMOS A POLO 3º

Despois de moito indagar...  xa sabemos cales son os títulos dos libros favoritos de Repepico!

1. Harry Potter    2. Mortiña    3.Gerónimo Stilton    4. Zipi Zape    

5. A toupiña que sería saber quen lle fixera aquilo na cabeza    

6. Brancaneves    7. Os tres porquiños    8. Scooby Doo   

 9. Los futbolísimos

E como Repepico non para, deixounos un novo reto. 

Imos a polo terceiro! 

Seguro que adiviñades quen se agocha tralas sombras destas personaxes de libros.

A SEGUNDA VIDA DOS LIBROS

Con motivo da celebración do día do libro, quixemos agasallar a cada nena, neno e profe do cole cun libro.

Aproveitamos a ocasión para darlle así unha segunda vida aos libros do expurgo da biblioteca.

Ao longo desta mañá foron pasando a botar unha ollada e elixir o libro que máis lles gustase.

"Un libro é un agasallo que podes abrir unha e outra vez."

DÍA DO LIBRO

Co gallo da celebración do día do libro, realizamos o noso "BOOKFLIX de recomendacións lectoras".  

Cada aula elaborou unha pequena reseña dos seus libros preferidos para amosarlle ao resto dos cursos.

Esperamos que vos gusten e vos sexan útiles para próximas lecturas que vaiades a iniciar, pois xa sabedes que... 

"ler é soñar cos ollos abertos"

REINVENTANDO ESPAZOS

Tras valorar as demandas e necesidades do alumnado do centro a nosa biblioteca sufriu unha pequena reorganización de espazos, eso si, contando para elo co alumnado voluntariado de 5º e 6º de primaria.

Mirade que chula quedou!

Ademais, nalgunha destas novas zonas,  apareceron novas propostas para realizar entre todos os que visiten a biblioteca que unha vez conseguidas iranse cambiando e variando.

NOVO RETO!!

Como bos detectives que sodes, seredes capaces de...

Descifrar o listado dos contos favoritos de REPEPICO?

 

 

 

 

 

 

 

 

 

Moi boa acollida e éxito na participación do alumnado... no primeiro día moitos conseguiron descifrar os títulos agochados!!

 

 

SOLUCIÓN DO RETO

 Despois de indagar na nosa biblioteca, xa temos a resposta ó reto...

ANTONIO GARCÍA TEIJEIRO

 

 

OS RETOS DE REPEPICO

Arranca unha nova actividade na biblio, co motivo da celebración do día da poesía Repepico deixa o primeiro dos retos...

Quen será o autor do fragmento deste poema?

8M ENREDADAS

 Co gallo da conmemoración do 8M, e seguindo a lima da temática do noso PDI (o mar e as embarcacións), decidimos facer unha pequena homenaxe a todas as mulleres, membros das familias do alumnado que están vencelladas ao mar e á navegación.

Elas compartiron connosco as súas historias vitais: lembranzas pasadas e presentes, anécdotas, sentimentos e emocións… con diferentes fotos e vídeos que nos serviron para dar forma a "Enredadas", unha proposta co fin de dignificar as mulleres do mar.

23 de febreiro - Sementando Pensamentos

A flor preferida de Rosalía eran os pensamentos, como estes teñen 5 pétalos, cada alumno escribiu nun un verso dalgún poema, unha idea da autora que lle gustou especialmente ou considerou relevante, etc. e foron colocando os pétalos arredor do seu rostro.

Así conmemoramos no centro o día de Rosalía.

Os alumnos de infantil B tamén recitaron o seu poema máis popular na radio do cole.

Deixámosvos por aqui algunhas fotos e o Podcast en iVoox: https://www.ivoox.com/infantil-b-recita-a-rosalia-audios-mp3_rf_82559114_1.html