O CAMIÑO DE SANTIAGO

22/3/24

DÍA DA POESÍA

 Polo día da poesía...

O alumnado de 5º de primaria, xunto coa súa mestra de Galego, o mestre de música e un múscio da zona, prepararon un recitado de poemas de Rosalía de Castro, e  acompañados da guitarra visitaron o asilo público de Noia.

Alí fixeron un bonito recitado para as mulleres maiores que alí residen, ademais agasallaron a cada usuaria con uns paxariños feitos polos alumnos e alumnas de Educación Infantil e 1º de Educación Primaria do centro.

Aquí tedes o enlace con un vídeo do mesmo: https://youtu.be/NaUvorqTxxU?si=dyjz6mdTfy2CXxtn

Foi unha actividade moi positiva, que acolleron tanto o alumnado implicado como as destinatarias, con gran motivación.




18/3/24

CONTACONTOS... "A TOUPIÑA QUE QUERÍA SABER QUEN LLE FIXERO AQUILO NA CABEZA"

 Hoxe luns, na hora do recrero, outro grupo de voluntarias na nosa biblioteca fixeron o contacontos para todos os nenos/as que quixeron asistir.

Contaron o conto: "A toupiña que quería saber quen lle fixera aquilo na cabeza" e para iso empregaron unhas personaxes moi especiais que facían unhas cacas particulares... menudas risas nos puidemos botar!!



 O próximo mes, outra contacontos con outra nova historia... así que moi atentos a nosa biblio!!


9/3/24

MULLERES QUE NOS IMPORTAN - 8M

 8 DE MARZO- DÍA INTERNACIONAL DA MULLER.

Grazas a colaboración das familias, cada titoría creou un cartel-composición coas mulleres importantes para os nenos e nenas, traballouse sobre o tema nas aulas e como homenaxe a todas esas mulleres, na biblioteca expuxemos todas as composicións.

 


 

Cada composición converteuse nun crebacabezas, para ilusión dos nenos e nenas que quedaron sorprendidos e cos que poderemos xogar  unha e outra vez.

 

Ademais fixemos unha selección de libros relacionados co tema que se colocaron no expositor da biblio a disposición de toda a comunidade educativa.


 

Sigamos traballando e concienciando para que todos os días sexan o día da muller e acadar esa igualdade real de xénero.

1/3/24

QUINTO RETO DE REPEPICO

No mes de Febreiro, Repepico propuxo un novo reto, pareceu tan chamativo que animou a máis nenos/as a participar.

Apareceron as imaxes de diferentes sombreiros e había que adiviñar de que personaxes eran... pero algún foi un pouco díficil!!


Xa están as respostas colgadas no taboleiro da biblioteca, e con elas moitas das dúbidas que este reto creou.

Así que, veremos que nos deparará o próximo reto...

 



29/2/24

CONTACONTOS... "EL CABALLERO Y EL DRAGÓN"

Hoxe xoves, na hora do recreo tivo lugar outro contacontos por parte do alumnado voluntario da biblioteca. 

Esta vez contaron "El caballero y el dragón" e fixérono xenial!!

 


 


Para o vindeiro mes, outro grupo será quen nos deleite con outra historia así que... estade atentos!!


23/2/24

DÍA DE ROSALÍA DE CASTRO- 23 DE FEBREIRO


 

Para conmemorar o día de Rosalía, esta semana tivemos unha interpretación teatral con recitado de poemas por parte dun grupo de veciñas e veciños da Barquiña.

Aprendemos un pouco sobre a súa vida e obra, pero sobre todo pasamos un moi bo rato.



Durante o tempo de lecer no recreo, o alumnado que foi á biblioteca puido realizar uns acrósticos co nome da homenaxeada, escribindo palabras significativas dela. Ademais de poder ler a escolma de libros do expositor. 





15/2/24

ENTROIDO DE XOGOS E VIDEOXOGOS

Continuando co estudo e traballo sobre "Os xogos e videoxogos clásicos" que estamos a levar a cabo neste curso, para celebrar o Entroido que mellor maneira de facelo que representar este tema.

Así foi como cada aula, ideou a forma de disfrazarse representando o xogo ou videoxogo que está a investigar, empregando para iso diferentes materiais e tamén coa axuda das familias.

Puidemos ver un gran desfile con xogos e videoxogos diferentes, tales como: oca, tetris, xadrez, super mario, dominó, barralla, futbolín, damas, parchís, pac man, serpes e esqueiras e o pin ball.

Tamén tivemos grandes bailes e música...


 

 


5/2/24

DÍA DA PAZ

O pasado martes 30 de xaneiro celebramos no colexio o Día da Paz con diferentes actividades.

Primeiro todas as titorías traballaron previamente nas aulas este tema tan importante, e co lema de "Unha infancia perdida nun mundo de guerra" creouse un dorsal individual plasmando as nosas mans e simbolizando a sangue. Portando os dorsais, que representaban a nosa repulsa a todas as formas de violencia sobre todo aquelas nas que o sufrimento dunha guerra pasa a ocupar o lugar da infancia, fixemos a andaina pola contorna na que as familias tamén participaron.

Todo o alumnado e profesorado, levou o seu dorsal á biblioteca para completar nun mural co símbolo da paz, representando así a nosa mensaxe.


Despois do recreo, o alumando de primaria foi á biblioteca para escoitar o conto "¿qué haces con un problema?" que serviu para introducir á presentación da Mediación escolar no centro.

 


Mentres o alumnado de educación infantil, desfrutou cantando e bailando as cancións pola paz.




 


 

 

 

 


3/2/24

CONTINUAMOS OUTRA SEMANA DE TALLER

Continuamos outra semana co taller de hama beads na biblioteca.

Durante a hora do recreo, os nenos/as que non puideron participar na primeira semana, fixérono nesta e continuaron con moitas ganas e sen parar, para construír o seu símbolo da Paz.

Aquí algunha mostra máis do traballo feito.




 


1/2/24

CUARTO RETO DE REPEPICO

No mes de Xaneiro, tivemos o cuarto reto. Desta vez,  Repepico púxonolo bastante doado cos emojis, había que adiviñar os títulos de oito contos clásicos.


Xa temos as respostas que case todos/as os participantes acertaron, agardarmos que o seguinte reto, que xa está colgado no taboleiro da biblio, sexa igual.


 


29/1/24

TALLER DE HAMA BEADS

Para incentivar a biblio creativa e moi relacionado coa conmemoración do día da paz, dende a biblioteca propuxemos un taller de hama beads.

 

Tiñan que ser capaces de construír o símbolo da paz no tempo do recreo,... moi concentrados/as traballaron para conseguilo.



 Así de contentas luciron as súas obras!

E resultou todo un éxito, cubriron todos os postos na primeira semana, así que...
propuxemos outra semana de taller!

 




CONTACONTOS... " UNHA HISTORIA FANTÁSTICA"

Hoxe na hora do recreo, o alumnado voluntario da biblio fixo o seu primeiro contacontos para os nenos e nenas do cole que quixeron asistir. 

 

Empregaron títeres para contar o conto "Unha historia fantástica" e... que ben o fixeron!!!!

 



É o primeiro de moitos que se levarán a cabo mensualmente na biblioteca, así que xa sabedes, estar atentos para o seguinte.