Chegou o mes de novembro e con el, o segundo reto de Repepico, desta vez había que debuxar a portada para un dos títulos dos libros propostos, con unha pequena dificultade: non aparecía a imaxe en ningún lugar.
Todo a alumnado que participou, deixou voar a súa imaxinación e creou estas ilustracións tan marabillosas!!
Repepico fai unha recopilación de RECOMENDACIÓNS LECTORAS da nosa biblioteca para o día 25 de Novembro, con motivo da celebración do día da non violencia de xénero.
De esta escolma de libros, cada aula elixiu un e ilustrou as ideas contra a violencia de xénero poñendo cor. Podedes pasar pola biblioteca para ver o resultado da exposición. Aquí a mostra...
Novembro é o mes da ciencia, e dende a nosa biblioteca propuxemos un taller con diversos experimentos para o alumnado interesado en converterse en científicos por un ratiño.
Na hora do recreo a biblioteca converteuse nun laboratorio para experimentar e desfrutar!!
Ademais teñen a súa disposición unha escolma de libros relacionados co tema na sección de investigación e o tan interesante microscopio que non para de funcionar.
As mochilas viaxeiras comezan as súas andaduras... e algúns dos nosos voluntarios foron os encargados de poñelas a andar repartíndoas polas clases.
Este curso van cargadas de lecturas ben interesantes, nos diferentes idiomas: galego, castelán e inglés.
Boa viaxe!!
Este curso retomamos unha proposta de dinamización que funcionou moi ben e que os nenos/as seguían demandando: "Os retos de Repepico"
No mes de outubro apareceu o primeiro reto, que consistía en descifrar os títulos duns libros da nosa biblioteca a través das súas portadas distorsionadas e de unha pequena pista.
Rematado o mes temos xa a solución ó reto, cantos adiviñarían??
Dende a nosa biblio conmemoramos o día das bibliotecas, agasallando ó alumnado cun libro que podían escoller das estanterías postas nos corredores dos edificios e ADOPTAR para sempre.
Ademais os nosos voluntarios fixeron un traballo sobre varias das bibliotecas máis importantes do mundo que se proxectará nas aulas para ensinarlla ó resto do alumnado.
Feliz día das bibliotecas!!
Esta semana comezamos cos "Nidos de lectura" nos patios.
Os colaboradores da biblioteca fixeron a escolla e colocación dos libros e xogos para os nidos repartidos polo patio de infantil e primaria, para poder desfrutar así da lectura ó aire libre durante o tempo de lecer.
Irán cambiando e repoñendo cada certo tempo pois, sobre todo no patio de infantil, tivo un gran éxito!!!
Xa estamos aquí de volta con outro novo curso na biblio de Repepico.
Esta semana na hora do recreo os nenos/as voluntarios tiveron a primeira reunión para poñer en marcha a nosa biblioteca. Formaron os grupos de traballo, aportaron ideas para a súa dinamización, estableceron tarefas,... pero sobre todo trouxeron moitas GANAS e ILUSIÓN!!!
Este curso, Repepico tivo uns axudantes voluntarios marabillosos que axudaron a que a biblio do noso cole funcionara mellor.
Por iso, o pasado luns recibiron o diploma e un pequeno agasallo.
Moitas gracias a todas e todos!
Rematados os traballos de preparación do horto polo alumnado de 5º e 6º de primaria, os nenos/as de infantil encargáronse de plantar e regar para ver así a sementes xerminar.
Tivemos algunha axuda...
Como crecen estas sementes!!
Logo do traballo realizado polos compis de 3º e 4º, os nenos e nenas de 5º e 6º de primaria estiveron preparando o terreo para poder plantar.
En primeiro lugar tiveron que sachar a terra e sacar algunhas raíces.
Logo botáronlle abono e colocaron unha tea para evitar a saída de "malas herbas".
Finalmente colocaron unhas táboas para delimitar ben o terreo a plantar.
Agora só falta vir plantar as sementes.
.jpg)
