Recomendacións lectoras

Como cada ano polo nadal subimos as nosas recomendacións lectoras. Agardamos que vos gusten.

O cómic. I

Como xa sabedes este curso o noso proxecto de biblioteca está centrado en catro tipoloxías textuais. Unha delas é o cómic e como non podía ser doutro xeito o equipo da biblioteca organizamos unha visita a mostra de cómic organizada polo Liceo de Noia.

Nesta primeira toma de contacto o noso alumnado contou coa axuda e guía para esta actividade con Alfonso Barreiro, "Fon" debuxante de cómic da nosa localidade autor de: "Troglo e Dita" e "Curuxa".

FON fixo un percorrido connosco pola exposición explicándonos diversos aspectos da creación dun cómic e como se traballou no pasado e no presente nunha das series de animación máis coñecida de sempre: "Dragon Ball".

Finalmente o noso percorrido rematou  dándonos a coñecer autores e técnicas daqueles autores que expoñían parte da súa obra na sala:  Angel de la Calle, Akira Toriyama, Luis Dávila "O bicheiro" e Pablo Velarde.

Sen máis, darlle as gracias ao noso guía agardando poder organizar unha nova actividade xa na biblio do cole.

25 de Novembro. Repepico recomenda.

Fai uns días a nosa biblioteca puxo a disposición dos nosos usuarios unha escolma de libros para
traballar pola NON VIOLENCIA de xénero e IGUALDADE.

Así mesmo na entrada da biblioteca, situamos unha proposta de actividade na que, aqueles que quixeran aportasen opinións, debuxos, solucións, etc  para tratar de concienciar da importancia deste tema.

Agardamos que vos gusten estas novas aportacións.

CELEBRANDO O DÍA DA BIBLIOTECA

O 24 de outubro celébrase o día da biblioteca, conmemoración que xurdiu pola iniciativa da asociación española de amigos do libro infantil e xuvenil no 1997, dende entón celébrase en toda España.

Desde a nosa biblioteca escolar, quixemos aportar o noso grao de area á devandita celebración levando a cabo esta actividade  de narración oral.  

Os rapaces e rapazas de 5º e 6º de primaria ofrecéronse voluntarios para ler un conto ó resto de compañeiros/as do centro na hora do recreo.

O lugar elexido: a biblioteca do centro, como non!

A temática dos contos: contos de medo, pois na época do Samaín non podía ser outra.

Así que, con todos estos ingredentes, so faltaba anunciar a actividade e poñernos.... a contar historias!

Aquí tedes o cartel da actividade e os contos elexidos polos nosos peques narradores.

Na vindeira achega poderedes disfrutar en "diferido" das súas emocionantes lecturas.




   

Ilustra, expresa e sinte a literatura

Como cada ano, no comezo dun  novo curso podemos en marcha o traballo de biblioteca. Estes dous meses foron de intensos preparativos que aínda están por concluir.
Esta vez o proxecto da nosa biblioteca comprenderá a exploración de distintas tipoloxías textuais co noso alumnado.

Para facelo escollemos: a narración, o cómic, o teatro e a poesía. Todo o centro participará naquelas actividades que pronto poremos en marcha. Aquí tedes as carátulas que elaboramos no equipo da biblio e que presidirán o panel que siempre recolle parte do trabajo que imos facendo en todo o ano escolar. O título do proyecto será:

ILUSTRA, EXPRESA e SINTE a LITERATURA.

Recibide un gran saúdo desde o equipo da nosa biblioteca.

Recomendacións Verán 2019.

Xa estamos a piques de comenzar as vacacións de verán e como non podía ser doutro xeito Repepico, a nosa coloreada e plumífera mascota fixo unha nova escolla de libros antes de coller a súa maleta viaxeira e tirar cara o Caribe.
Para que disfrutedes do voso tempo de lecer nos días de sol e praia, aquí van as nosas recomendacións veraniegas.

Voluntariado de lectura na nosa biblioteca.

Neste curso participamos co alumnado de 5º e 6º na actividade do voluntariado de lectura.

O alumnado participante recibiu o diploma e a camiseta como recoñecemento á súa participación.

Ademáis este curso tivemos a sorte de acceder a un obradoiro de oralidade impartido por Charo Pita.
Moitas grazas a todos por ter participado.

Sextilibros 2019

Aquí tedes un "clásico" do noso cole. Cada ano o grupo de rapaces e rapazas do 6º curso de E.P participa na edición anual dos sextilibros. Unha iniciativa que serve para traballar nas aulas os contidos das áreas de lengua e lingua ademáis de achegarse a creación literaria.
Desde a biblio traballamos para poñer a disposición de todos/as os usuarios estes fantásticos escritos. Nesta edición os afortunados gañadores quedan recollidos nesta publicación que agardamos disfrutedes.

Por certo, non podemos deixar de felicitar a todos os participantes. Somos conscientes do gran esforzo que supón a creación destes relatos. Así mesmo felicitar aos mestres que acompañan todo o proceso de elaboración dos textos. NORABOA e xa estamos agardando a vindeira edición... pero eso xa será no vindeiro curso 2019/2020.

Guía Turística de Noia- PROXECTO A Nosa Ría

Como ben sabedes, este curso impulsamos un proxecto sobre a ría de Noia desde a nosa biblioteca.
Agora que xa queda pouco menos que unha semana para completar o curso 2018/2019, traemos a este blogue o resultado final: Unha guía turística de Noia.
Na elaboración participaron tódolos cursos do noso centro que coas súas achegas dou como resultado este interesante documento. Agardamos que vos guste moito e que o disfrutedes.

Guia Noia

Leer más publicaciones en Calaméo

SEMANA DAS LETRAS GALEGAS

Este ano contamos no centro coa visita de Serafín Marcos, profesor do conservatorio na nosa vila e actor de teatro, para facernos unha dramatización da vida e obra de Antón Fraguas Fraguas, autor a quen se lle adicou este ano o día das letras galegas. Coma todos os anos non nos defraudou nin o máis mínimo pois, co seu desparpajo e bo facer, fixonos vivir en primeira persoa as peripecias e acontecementos da vida de Antón Fraguas.
A representación realizouse en tres sesións ó longo dunha mañá, adaptada cada unha as idades dos nenos/as que a ían a escoitar poidendo así desfrutala ó máximo. A continuación deixamos unhas imaxes que evidencian o bo rato que nos fixo pasar tanto aos rapaces do cole coma ó profesorado. So falta dar gracias a Sefarín outro ano máis colaborando connosco, GRAZAS!!!

Recomendación lectora 6º

Aportación do noso alumnado de 6º ás recomendación lectoras.

Continuamos coas nosas recomendacións lectoras neste caso é o alumnado de segundo que fai as súas achegas. Un saúdo de Repepico.

Radio Barquiña

Xa vai algún tempo desde que iniciamos as retrasmisións da nosa Radio escolar. Un interesante proxecto posto en marcha polo profesor de música que cada ano forma ao alumnado de 5º e 6º curso nas distintas tarefas necesarias para facer un programa de radio.
Si quederes escoitarnos este curso están a maioría dos programas na plataforma IVOOX.
Aquí deixamosvos un enlace para que pasedes un bo rato connosco.
Por certo, hai uns días subimos a entrevista que lle fixemos as persoas que nos acompañaron no cole na activiade dos Sancosmeiros.

Sancosmeiros no cole

O luns 13 de maio, dentro da semana das letras galegas e con motivo do noso proxecto sobre a ría de Noia, tivemos o privilexio da visita de  dúas artesáns de Sancosmeiros. Todos os cursos pasaron pola biblioteca para que lles ensinaran aos nenos/as do proceso e a elaboración desta prenda.
Mediante unha presentación de videos e o máis importante, as clases prácticas e vivencias destas dúas mestras na elaboración deste típico sombreiro, María de Leonardo e Manola das Tersas de Banzas, mostráronnos a súa arte.  Un proceso laborioso que parte de sementar e recollida do trigo, pasa pola escolla das pallas e ablandado ata a elaboración das trenzas e posterior cosido e forrado das partes do sombreiro.
Moitas graças por esta experiencia e por seguir con esta labor tan importante de non perder o tradicional, o noso patrimonio.

Día das letras Galegas

Para conmemorar o día das letras galegas, habilitamos na nosa biblioteca un recuncho adicado aos autores galegos aos que se lle adicou este día.

 

AsÍ mesmo estamos preparando un pequeno diccionario daquelas palabras galegas que xa case están esquencidas a modo do traballo que fixo Antón Fraguas; autor, mestre e historiador da cultura galega. Si queres coñecer máis sobre a súa vida e otra podes visitar esta páxina web.

primaveiradasletras.gal