21/12/20



Recomendacións lectoras de Nadal 


Nadal é tempo de xogar, de descansar, tempo para compartilo coa familia. Tamén é tempo de ler para gozar, aprender, imaxinar, etc.

Dende a Biblioteca do cole, compartimos as nosas recomendacións lectoras, como cada ano por estas datas.

Agardamos que vos gusten!

20/11/20



25N DÍA INTERNACIONAL CONTRA A VIOLENCIA DE XÉNERO

Dende o Equipo de Biblioteca queremos compartir unha serie de contos que tratan desde diferentes perspectivas a igualdade de xénero. Neste curso a exposición de libros estará situada no vestíbulo do colexio e cada titoría pode escoller aqueles contos que lle resulten máis interesantes, si ben están clasificados por idades nos estantes do noso expositor. 

Tamén compartimos diferentes vídeos sobre estes contos para a súa visualización na aula, xa que este curso sabedes que debemos manter as medidas de seguridade tamén nos días de celebración e conmemoración.

Esperamos que vos resulten interesantes e divertidos, e que a celebración desta data especial non se limite ao 25 de novembro porque a coeducación e o bo trato son tarefas para todos os días do ano!




ARTURO Y CLEMENTINA
Adela Turín
Conta a historia de dúas tartarugas que se namoran. Ao principio, todo vai ben pero Arturo enfádase se Clementina sae de casa e vaina cargando de toda clase de obxectos inútiles... Clementina séntese pequena e infeliz. Poderá escapar desta situación cunha cuncha tan cargada?



ROSA CARAMELO.
Adela Turín
No país dos elefantes ás elefantitas téñenas nun corralito, vestidas de encaixes, comendo peonías e moi aburridas mentres os elefantitos gozan xogando no xardín... pero a unha delas non se lle dá nada ben iso de ser elefanta.
Aquí podedes gozar do conto.


O PAÍS DOS MANDONS
No país dos mandóns uns cantos mandan sobre o resto e non permiten que as nenas, as mamás ou as avoas xoguen, saian ou traballen fóra da casa. O cambio desas normas tan inxustas para crear un novo país da igualdade conmemórase o Día Internacional das Mulleres.



EL PRÍNCIPE CENICIENTO
Unha revisión do conto de Cincenta onde cambian os roles. Un conto para poñer aos nenos noutro tipo de papeis.


Hai sen dúbida moitos contos máis para abordar este tema, nós poñémosvos unha pequena selección. Algúns están na biblioteca e os que non están chegarán pronto.



Un saúdo de Repepico ! ! !




REPEPICO VIAXA POLOS 7 CAMIÑOS



Dende os Equipos de Dinamización da Lingua Galega e Bibliotecas Escolares vos propoñemos a realización dun conto viaxeiro co título “Repepico polos 7 Camiños”


A mascota da nosa biblioteca, Repepico, vai a realizar unhas viaxes moi interesantes polas diferentes rutas do Camino de Santiago, nas que irá aprendendo moitas cousas interesantes coa axuda de cada grupo de alumnas e alumnos. 


Repepico xa está preparado co seu sombreiro e bastón de pelegrín.  E vós?  

Xa estados preparados para viaxar con el e vivir interesantes aventuras?





 


 


 


6/11/20

Como en cada comenzo dun novo curso,  dende o Equipo de Biblioteca poñemos en marcha un novo proxecto. Este ano, co motivo da celebración do Ano Santo no 2021, o noso proxecto comprenderá unha investigación sobre O Camiño de Santiago co noso alumnado.

Para aprender moitas cousas interesantes sobre este tema, investigaremos sobre diferentes aspectos como por exemplo a súa orixe, os diferentes camiños, os pelegríns, os ritos, a simboloxía e arte relacionada co Camiño de Santiago. 

O alumnado do centro participará naquelas actividades que pronto poremos en marcha. Aquí tedes os diferentes aspectos que dende o Equipo da Biblioteca propoñemos para realizar unha traballo de investigación durante todo o curso escolar. 

Agardamos que vos guste a nosa proposta!

O Camiño de Santiago

                  
                        A orixe                          

                                          
  

Os diferentes camiños

                                  
               


                                     Simboloxía                                       

                                            

       

    Pelegríns

                        




Arte no Camiño









12/6/20

Recomendacións lectoras . Verán 2020

Estas son as nosas recomendacións para este verán. Agardamos que vos sexan de utilidade.


O experimento

Os sectilibros cada ano traen novas e emocionantes historias. Este curso trátase dunha narración a cargo dunha das nosas alumnas . Agora e en exclusiva podes descargar para disfrutar da súa lectura. 



3/6/20

Resultados dos SEXTILIBROS.

LOGO DE APLICADAS AS PORCENTAXES DO 40% AOS VOTOS DO ALUMNADO DO CENTRO, DO IES, DO PROFESORADO E O 60% AOS MEMBROS DO XURADO, A APRETADA PUNTUACIÓN QUE ACADAN OS SEXTILIBROS INDIVIDUALMENTE, É A SEGUINTE:

1º- O Experimento                                         9,264

2º- A Mudanza                                               9,25

3º- Batería Baixa                                            7,411

4º- A Vida de Carolina                                   7,387

5º- Evelyn                                                      5,935

6º- Desilusións da Vida                                 4,483

7º- O cruceiro                                                4,072

8º- Nunca deixes de Bailar                            4,048

9º- A desaparición de Bigotitos                     3,322

10º- O Tesouro do Terror                               2,548

11º- Aventura en Batín Can                           2,233

12º- O Rally de Noia                                     2,209

13ª- O pobo                                                   1,846

14ª- O Coitelo Traizoeiro                              0,37



25/5/20

Letras Galegas.

Este é o resultado do traballo feito no noso cole sobre as letras galegas. unha nube de palabras no que participaron toda a comunidade educativa.

Agarbamos que vos guste e recibide unha gran aperta do equipo de biblio.

18/5/20

Sextilibros arquivo descargable e folla de votación.

Neste post poñemos a rosa disposición o arquivo PDF con todos os relatos, para que os descárgueles si vos parece interesante.


 Así mesmo aquí tedes a posibilidade de descargar a páxina para votar o que máis vos guste ata o 31 de maio 2020

14/5/20

Sextlibros 2019 / 20



Co gallo das Letras Galegas o 17 de maio, os rapaces e rapazas de Lingua Galega de 6º, publican o seu primeiro libro na biblioteca do cole: Os Sextilibros.
Debido ao confinamento, este ano, o formato é virtual, invitámosvos a lelos e a votalos ata fin de mes, para saber cal gustou máis.

Podedes acceder a súa lectura online na páxina de Calameo seguindo o enlace:


Así mesmo, e por primeira vez podedes acceder a nosa conta en IVOOX - Radio A Barquiña para escoitar algún deles en formato audiolibro. 
 

13/5/20

Semana das letras galegas. Ricardo Carvalho Calero

Este semana celébrase a semana das letras galegas. Neste ano 2020 adicadas a   Ricardo Carvalho Calero.

Ricardo Carvalho Calero naceu en Ferrol en 1910 e faleceu en 1990 en Santiago de Compostela. Sobresaíu como historiador da literatura, crítico literario, filólogo e escritor, e dedicou a súa vida a dignificar o idioma e a cultura galegas.
Aquí podedes atopar máis información sobre este destacado persoaxe da nosa cultura.


Día do libro na CEIP P. Alexandre R. Cadarso

Nestes días tan extranos, realizamos este video desde o equipo da biblioteca para celebrar esta data. Agardamos que vos guste

5/3/20

Talleres de Entroido

Do 17 ao 20 de febreiro tivemos na biblioteca do cole uns talleres de antefaces de Entroido.

Podedes ver nas fotos o bonitos e orixinais que lles quedaron aos nenos e nenas que quixeron participar.

Aí tedes:


                







Saúdos,

O Equipo de Biblioteca.

3/2/20

Charla sobre Reciclaxe

Os días 24 (Educación Primaria) e 27 (Educación Infantil) de xaneiro, tivemos na biblioteca do cole unha charla sobre reciclaxe moi interesante, levada a cabo pola mancomunidade do Barbanza.

Os nenos e as nenas estiveron moi atentos.

 


 


Saúdos,
O Equipo de Biblioteca.

19/1/20

Contacontos “Príncipas e Princesos”

O día 14 deste mes tivemos na biblioteca un contacontos sobre a Igualdade. Tratábase de “Príncipas e Princesos” de Os Contos de Pablísimo.


“¡Faise saber que se buscan príncipes rosas... e princesas azuis! ¡Faise saber que ides escoitar contos de valentes princesas enfrontándose a dragóns e de Príncipes que lavan a roupa e pasan o ferro!”.

A través de diferentes contos e historias atípicos e moi divertidos, vánse desmontando diversos estereotipos e roles de xénero e fáisenos reflexionar sobre a igualdade.

Neste caso, os asistentes foron os nenos e as nenas de Infantil.





















Saúdos,
O Equipo de Biblioteca.

16/1/20

Contacontos en Inglés

O día 10 deste mes tivemos, na nosa biblioteca, dous contacontos en inglés moi divertidos.


Os nenos e as nenas de Infantil e 1º, 2º e 3º de Primaria, acompañaron a Milly, a serea, nas súas aventuras no fondo do mar. 

Contámosvos un pouco:
O que máis desexaba Milly... eran unhas pernas. Ao máis estilo do clásico conto de Andersen. Unhas pernas para andar, correr, bailar e o mellor de todo: para xogar ao fútbol! Pero un non sabe o que ten ata que o perde e cando Milly consegue as pernas, grazas á Raíña do Mar, dase conta do que de verdade importa e de que as sereas sempre van pertencer ao mar porque esa é a súa natureza.



Os nenos e as nenas de 4º, 5º e 6º de Primaria, acompañaron a Meg, unha nena que sempre soñou con traballar nun circo.

Contámosvos un pouco:
Meg sempre soñou con ser artista e traballar nun circo, como fixera o seu avó. Cando o circo nacional visita a súa vila cre que os seus soños poden convertirse en realidade. 
Neste contacontos vemos a Meg a preparar o seu número e coñecemos o mundo do circo, cheo de cores, aplausos e aventuras disparatadas.
Pero, cando a nena descobre a realidade destes espectáculos, replantéxase se é ao que se quere dedicar o resto da súa vida e se eses animais merecen estar engaiolados ou teñen dereito a desfrutar da súa liberdade.



 
Estiveron moi participativos e bailaron e cantaron sen parar!



Saúdos,

O Equipo de Biblioteca.

14/1/20

Talleres de Nadal

Aí vos van os talleres que fixemos a semana antes de marchar de vacacións de Nadal.
Contamos coa axuda dos nenos e das nenas máis maiores do cole para que nos axudasen a levalos a cabo. Fixérono de marabilla e crearon adornos tan bonitos como os que vedes nas fotos.

Eses días tivemos moita afluencia na biblioteca.
Quedou unha árbore moi bonita.












Vaia estrelas!



















Esperamos que vos guste.

Saúdos,
O Equipo de Biblioteca.